داغ باشندا تک آغاجا باخگنان داریخگنان،گوزیاش اوزه یاخگنان

داغ باشندا تک آغاجا باخگنان

داریخگنان،گوزیاش اوزه یاخگنان
اوره گ ایستئی گئدوب اورداگزه سن
کاباب لاری کوزاوستونه دوزه سن

اوره گ ایستئی گولگه سینده یاتاسان
غم کَدَرفیکیرین،باشدان آتاسان
باخسون اوردان قزیل اوزه ن آخئیری
ایلان کیمین اوزون یئره یاخئیری
اوخویاسان،یانیق کَرَم،شکسته
کونول گَلَرحالا،دای اولمازخسته
خوش اولاسان شیرین شیرین گوله سن
یئللر دَیه تئللروی سره سن 

قرمزگوللرسریلیبدی دوزلره ساری گوللراشیق وئره ی گوزلره

خبروئرون اوزاخداکی ائللره
تاپشرسن لاراوره ک سوزون یئللره
یئل گتیرسین بوگلشنی دولانسین
غم غصه نین تخت وبختی تالانسین
غربت یامان عزیزلری سخیبدی
غربت ائلده کندی یاددان چخیبدی
فرصت اولسا گلون کندی گزه ک بیر
اوزه رریگی یولوب ساپادوزه ک بیر
ال بیراولاق،پیس گوز نظردیمه سین
قدیمیزی غصه کَدَرایمه سین

دام اوستونده طویاباخان جاوانلار خیروزاولسون کتده قشنگ گونوزوار

 

تقدیم به عروس دامادهایی که عروسیشان موجب نشاط جوانان روستامی شود:
دام اوستونده طویاباخان جاوانلار
خیروزاولسون کتده قشنگ گونوزوار
شهرلرده آخشام سحربیلین مئی
اماکتده هم گئجه هم گونوزوار
سحریئردن خروس بانلئی دوریسان
یولون توتوب بایرلاراگئدیسن
بیری یوخدوبیزه دییه شهرده
اوباشداندان اوغول هاراگئدیسن؟
کاش کی منده سیزلن داما چخیدیم
شیرین شیرین اویناماقلارگوریدیم
عروس داماد وسط ده اوینیاندا
پول سپیدیم اوناشاباش وئریدیم
صف چکوبسوزدام قراغی رنگ به رنگ
زنگلی گوللرآچیلیبدی چمنده
خیروزاولسون اوندا قشنگ حالوزوار
غربت سالیب یولداشوزوکمنده

شعری زیبا از رایت عبادی منامن

دولاننام کوی عشقونده ، سنون دیوانه دیوانه 

حسادت گوزلری گورسه ، یئری وار ئولسه بیگانه

وجودیم اوت دوتوب یانسا ، منیم فخریمدی باک ائتمه

بودور عاشقلرین رسمی ، یانا عشق اوسته پروانه

پرستار ایستمور سنسیز ، منیم بیمار کونلوم یوخ

آخی سن نن اولان یئرده ، نیازیم یوخدی درمانه

خیالیم مرغی کویونده ، سنون جولاندادی دایم

آچور سیمرغ تک بالین ، اولا عشقونده افسانه

سبیل عشقه جان کمدور ، نه چاره آزدی سرمایم

اگر اذن اولسا دلبردن ، بویاننام قرمزی قانه

چیخاردوب یار منی یاددان ، سوروشمور حالِ زاریمنن

اورک سیغماز سوزوم وادور ، دییم اول ماه پنهانه

اوزاق یول قورخولی ورطه ، ئُوزومده نابلد ملّاح 

یئتیش امدادیمه دوشموش ، گمیم دریاده طوفانه

بو قدری آیرلیق اولماز ، امیدیم نا امید اولدی

گئدن گئتدی ، کوچن کوشدی ، اولوب میخانه ویرانه

خماره اَل دوتان یوخدی ، نه ساقی وار نه ده باده 

وئره تئز تئز ایچم جامی ، چکم بیر نعره مستانه

شماتت قلبیمی سیخدی ، منیم یول گوزله مکدن گل

داخی جان قالمیوب منده ، دوزمم رنج هجرانه

شکایت ایتمورم سن نن ، گلایه فرض قیل من نن

بیلورسن قلبیمین سرّین ، بیلورسن عاشقم یانه

او قدر آللاتمیشام کونلو ، اوزوم یوخ بیرده یالوارسام

دئیور دؤز دؤز دئیورسن بس ، نیه گلمور او دُردانه

بو قد بیهوده یالوارما ، کونول انصاف سیز یاره

نه حاجت مصر اولان یئرده ، گله یوسف بو کنعانه

دوتوب صیّادیلر راهون ، ائدوبلر دانه نی دامون

دوتاندا مرغ باهوشی ، توکللر راهینه دانه

پریشان زولفووی گوردوم ، پریشاندی حالیم گورسون

گلوب بیر لحظه اگلش قوی ، ویروم من زولفووه شانه

بوکولدی « رایتین » قدّی کمانه دوندی هجرونده

فدا اول گوزلره جانیم ، اَلونن گلمیشم جانه

اَلونن گلموری آچماق ، دوگون ویرما دوگون اوسته

بوراخ اوز دردیمه یاننام ، حواله وئرمه نادانه

کونول امیّدیلن خوشدور ، جمالون گورمگه بیرده

سن اول لیلای من مجنون ، گزیم کویونده دیوانه

یوخارخرمنده چالئی عاشیقلار دایرازورنا،اوینیان کیم باخان کیم

یوخارخرمنده چالئی عاشیقلار

دایرازورنا،اوینیان کیم باخان کیم
یغشوبلارقوجا،جوان،اوشاقلار
گویلوگ اوسته سوروشَن کیم آخان کیم
بوعکسه باخ گورنه یاداسالیسان؟
داریخگنان اگراوگون یوخیدون
اوردااولسون ،عاشق چالان زاماندا
حتما سنده سس بیراولوب اوخیدون
ایلده بیریول یولون دوشسون کندوزه
داریخماسن بالاسیچن کندیمیز
چالون، دئیون،گولون،هامی اویناسن
بیزیلَن شاداولسون اوره ک بندیمیز