--IMG4UP معرفی نکته به نکته روستای منامن با شعری زیبا ودلنشین از اسماعیل - دلنوشته های منامن
X
تبلیغات
رایتل

دلنوشته های منامن

وطنم پاره تنم خاک تورا بوسه زنم منامن

سه‌شنبه 5 اردیبهشت‌ماه سال 1391 ساعت 12:36 ق.ظ

معرفی نکته به نکته روستای منامن با شعری زیبا ودلنشین از اسماعیل

گَلبن کیمی داشاسلام وره ردیک

قارانلقن باشن داشن گوره ردیک

دره سیند قاراانجیل درردیک       

یاخشی یاخشی  داغلاروندا گزه ردیک

قزیل اوزه نینده دوشوب اوزه ردیک

قانلی دره اوستو قاسیم کله گی

خلف باغی مشد عمی مین بَلَه گی

اَلَه نیبدی اونوندا دای اَلَه گی

نفسدیده هردن بیریول چکیری

قوجا واختی آلما اَریک اکیری

نازخانیمن دانشماسی گولمه سی

مئیی بی بی آغاج مینوب سورمه سی

نارخانیمن هوروکلو ساچ هورمه سی

شیرین اولدو آراتنگه قوجالدی

خیر الله دان نامرد فلک باج آلدی

مش حسنون داغارچیقی چاخماقی

گولنده آغزینن سویو آخماقی

داوارلارین دالسیجا باخماقی

قوردا خوخو دیین کیشی نجولدو

خزان وردی پرپر اولوندو سولدو

  بهجت خالا کَرمه سینین شاپّاسی

تامام بی نین سیا چوره ک یاپّاسی

بلقیصین پنجه کئشی چاپّاسی

قازانچادا قایماقی یادش به خیر

صبح پیشیره ن قویماقی یادش به خیر

رستم گیلین قوزولاری تکه سی

خارتکه نین بوینوزلوسی یک سی

پورسته نین اوزویاغلی کوکه سی

یاداسالاربایرلاری چم لری

چمده اولان بیره دولو کوملری

زیدی عمی  قاراپوچو قوراندا

عوض دایی جویجَمَه ده دوراندا

مَشَد دایی اوغلاخلاری بوراندا

نولاردی بیر هامی لاری اولئیدی

گولو خالام بولامانی بولئیدی 

     هاردا قالدی مش آیتین کَری سی

   مش عزیزین همایونی فَری سی

سعداله نن زامانیلا شَری سی

   بیلین مئیری نجولدولار نولدولار

          قزیل گول تک نه تئز آچوب سولدولار

یوسوبعلی آلچاق کیشی ای کیشی

بستانلارداسالاردی چوخ های ،کیشی

بیرده گَلَر مگر اونا تای ،کیشی

خورجونون آغوز بوغوزقارپوزو

جیب لری نین دولوب داشان یارپوزو

 

مش ذبی نین پهلوان تک گزمه سی

آل باغشین گَوَنلری اَزمه سی

زلفعلی نین قاش قاباغن سوزمه سی

خوش گونلرین مَزَلری دادیدی

منامینون آبروسی آدیدی

مش طالبن باغدا تارال قورماغی

فریدونون اونا کله گ وورماغی

باغدا یاتوب صبح بستاندا دورماغی

شب نشین لرچپ چَرَه زی پوسته سی

حیف اولاکی اولدوق هجران خسته سی

اَشرفی نین ناغللاری قصه سی

شادالاردی هامی اوره ک غصه سی

آدلاری دی فقط کتّی لرین حصه سی

نازپری نین سورمه سی یادش به خیر

فیروزون اوسگورمه سی یادش به خیر

بش یوزایلده گوزویولداقالاسان

زلفعلی نی گونده یاداسالاسان

اونا کادو،چوبوق توتون آلاسان

یالواریاخار گور زلفعلی دیری لر

بیرده گَلَر پیرولی لر سیری لر

 

اینانمازدق مش گل آقا قوجالیب

قوجالیق ،کولگه سین باشینا سالیب

سینّی گئچوب عومورگولی سارالیب

پاخیل فلک اونو بیزدن تئز آلدی

نظر دَیدی ،اونویامان گوز ،آلدی

منظّم بی آلچاخ مهربان خانم

محبتلی اوره ک، ایستی قان،خانم

تاپشراندا آللهنا جان خانم

یوخاری باش دومان توتوب قارالدی

 خرمنلرین رنگی قاچوب سارالدی

 دایم گیلین آغزی یوموق پَله سی

شوکورگیلین قورداقوران تله سی

اوچو لارین داغدا آغور شله سی

قارداشم اُو قانلی دیه ن گونلریم

گونده اُوون اَتین ییه ن گونلریم

   داوارناخیر گلوب پیرده یاتاردی

چوبانلاردا باشن یئره آتاردی

            آخشام چاغی گون کی گئدوب باتاردی

 سورو،سورو کنده گلوب مَلردی

 یازگونونده سزقی یاغیش اَلردی

 

جورجه نگی اوندا باشا گییردیک

کورپه گلدی آی ننه جان دییردیک

قاتق یاخوب دورموج لری ییردیک

قراولاغی قوووب توتان گونلریم

دیری دیری دورموج اوتان گونلریم

آرابولاغ گوز یاشی تک جوشاردی

یوخاری دا نولاردولوب داشاردی

اولسیدلار کندیمیز چوخ یاشاردی

بیلین مئیری کیم دولدوروب داشلادی

کندی میزین قاراگونون باشلادی

بولاغلارین سویوجوشوب آخاندا

آخوب اوزون دره لره یاخاندا

الآن آدام چشمه سینه باخاندا

اوره ک دولئی گوز یاشالئی دیل آغلی

سوسوز قالان باغچا آغلی گول اغلی

آهای منیم، ائلیم ، اوبام ، قارداشم

کوچوب گئدن وفالی بیر یولداشم

قانادونوب اوره گیمده سیرداشم

دوزه لتمکدن کندین گوزون قاشینی

داشلاوروب سندرمشوق باشینی

گَلون چخاق دَوه بوینو باشینا

اوردان باخاق قارانلقون داشنا

سورمه چکه گ گلین داشی قاشینا

گئچن گوندن عبرت آلوب آغلیاق

هجرت یولون کندیمیزدن باغلیاق


زیر باران

....................

BAHAR 20.COM

خدمات وبلاگ نویسان

.................