صداقتین صداقتی شعری (هر نه گلر خاطریمه یازارام)

هر نه گلر خاطریمه یازارام
اوره گیمین معدنینی قازارام
هر بیریسی استمه سوز پوزارام
من یازارام سوز اوخویون سویونون		بگنمسوز دالیمیجان دیونون
گیردننی دولیاردیم تاسمیا
تا کی اونی چله گلیپ باسمیا
ننه م گویه گولاغیمنان آسمیا
شیرتلنردیم ننه م منی ورماسین		گیردنمین تاساسینی قیرماسین
آختاراردیخ بیرجه تکر تاپماقا
اوننان گدیپ تنگه لری چاپماقا
کوت ییردیک گیدردیک پول تاپماقا
تاپامازدیخ قایداردیخ گلردیک		ننه میزدن دورت بیش قرآن سیلردیک
کولوکللرده آخشامانجاق آتلما
اوتان گَده، پال پالتارون باترما
یانون باتار، توپراق اوسته اوتورما
ننه م دییپ منده یاخچی دیردیم		باترجاغین بیر آیریسین گیردیم
گاپلانتیدان داش هلدیپ باخاردیخ
اوزرگیلی کولشلره تاخاردیخ
نایلوننان توپراق اوسته آخاردیخ
اوگونلری یادا سالیپ یانارام		عمر آدلی گونلریمی سانارام
گوش پوویا گیرچک دوزداق گوراردیم
تاچخانجاق او آرادا دوراردیم
دوزداق اوسته اویناداردیم یوراردیم
ویلّیردیم فرشین اوسته سچاردی		پنجردن بیردن چخیپ قاجاردی
توپراق اوسته داشینان یول آچاردیخ
دویرسینه آغاج ماغاج ساچاردیخ
اخرینده اوچورداردیخ قاچاردیخ
بیش قرانانا ساقز آلیپ ییردیک		یردی یری چوماخ یری دیردیک
صوبلر دروپ مال ناخیرا قاتماقیم
گیردننی تاسمینان اوینادماقیم
یورقون گلیپ آخشام تزدن یاتماقیم
قاردا قالدون خوش گونلریم زمانیم		ایندی چاتار گویه آهیم فغانیم
صوبلر یردن واخلی واخلی دوراردیخ
کتابلاری گولتوخولارا وراردیخ
صبحانیه یاغلی دورمونج بوراردیخ
ایندی هامی باشین چکیپ یاتیپدی		آز باهایا ایمانینی ساتیپدی
دوبیر بالا هر طرفی قار الیپ
آغ گوینگین هر طرفه قار سالیپ
هامّی توکوپ فقط بیزیم دام قالیپ
صبح دیردی ننه م بالا دورگنان		سنده سیریخ دام اوستونده سورگنان
گوزی پوخلو قار توکمگه دوریدیم
دام دیشلرین قارین تمام کوریدیم
آخردا بیر قاردان آدام جوریدیم
انیپ گلیپ حرّه خشیل ییدیم		آخرینده اله شکر دییدیم
گوزولارین قورلاخلارین داغلادیم
کورپه ایچره اونا نشان باغلادیم
زیل سسینن من بورقورندا آغلادیم
مغان ددی قویما اونی اولیا		فرتقینی اوز گوزونه بولیا
بَحمداله صوبلر بانکا چالاردی
جنگیلتیسی گولاغیمدا قالاردی
اوخویاردی کنده بیر سس سالاردی
مش گلماجیم دید گده گل بیله		زیل سسونن سالما کنده ولوله
ذوقعلی دی، رایتیدی، منیدیم
اول اولار، سورادا من انیدیم
ممرضانین پالتووینا دینیدیم
هسلنیدی دوروپ بیزی قوویدی		توتانیندا قولاغینین اوویدی
پی جیک اوسته کهلیکلرین یوواسی
صوفلیخدا صوفی لارین دوواسی
یحیی آغلی سنیپ چراغ قوواسی
یادیمدادی خاطریمدن چخامّاز		جبّار دیدی یحیی منی یخامّاز
گزلن پاچی آغشامانجاق اویناردخ
اَبه اوسته قایدانی قویمازدخ
یالان یره هی جوشاردخ قایناردخ
خوش گونلریم او گویندی سوشدی		جوانلیقیم قوجالقناق بوغوشدی
دوگمه لری بیربیرینه قاتاردخ
چولا قازیپ چولا ایچره آتاردخ
اننان اوتوپ آیرسنا ساتاردخ
کوینکلرین دوکمه لرین سکردیک		جیبیمیزه یربیر قرپ توکوردیک
یومورتانی بیربیرینه وراردخ
قاتارقوروپ بیربیر وریپ قراردخ
برکین وروپ بوشینا سندرادخ
بیرده گلیپ کاشکی قاتار قورریدخ		یومورتا بیربیرینه وریدخ
جزخ چکیپ قیشلری سالاردخ
آلاداردخ قیشلری الاردخ
قیشینن اورا بیر سس سالاردخ
دوندر گلسین دوندر گلسین دیردیک		گورخومزدان دورت بش شالوار گیردیک
قیشلری بیربیر یره سرردیک
ال اوزادیپ ایشکدن ال ورردیک
قیشلرین گوتوررردیک سورردیک
گون قیشین شاپاسینان وراردخ		آخر اونی ورا ورا قراردخ
گیرداکانی دال با دالا دوزردیک
لوسته دوشسون یاواشجالی سوزردیک
مادالارین پوچون وریپ ازدریک
شایلق آلان گل شایلقا دیردیک		بعضی سینده سندراردخ ییردیک
هی دیریدیک پوچ گردکان قوردی یوخ
بو اویوندا بوش مولانی وردی یوخ
گل بویانا مولا اوسته دوردی یوخ
باش اولاردی باش دالینان زیل قارا		هیچ بیلمزدی زیل قارا آتسین قارا
قاریاغاندا گورسون اوشاخ کتدینی
فوری کسر باشماقینین ردّینی
سوروشگنده گورسدر اوز شدّینی
بوکتدینین سالم اولان ورزشی		طبیعتین اوشاقی، وار ارزشی
قار اوستونده اوشاقلارنان سورشمک
گونده گونده سورشکنده گورشمک
ناغل دیپ با هم اولوپ گولوشمک
سفره باشی جمع اولونوپ یغشماخ		هیچ زاد اوسته اوشاقلارنان ورشماخ
قیرخ بولاغین سووی قیرخ گون گلردی
قاغام اونین وقتین قشنگ بلردی
باغمزا او سووی ارخ الردی
عجب شیرین سرین سووی اولاردی		یارپوزنان دویرلری دولاردی
بیرچخیدیم اوشاقلقین گویونه
داش توکیدیم جوانلقین اویونه
هانسی ابله جوانلیقا سویونه
آی چورگه پَه پَه دین گونلریم		یاواش یاواش ایمکلین گونلریم
آی چورگه په په دین گونلریم
یاواش یاواش ایمکلین گونلریم
شادان پوردان پوتون گین گونلریم
بیرده منیم خردا کوتوم اولیدی		ایکی جیبی قورقینان دولیدی
ایندی بیزی مشکل آلیپ آرایه
آق گونلری دوندریپدی قارایه
یوخدی بیر مس تایتیشه هارایه
هارایلادیم او قدر سسیم توتولدی		بسلدیگیم جان غربتده قوتولدی
تندیروزده پنجه گشی یاپاندا
اوشاخ وریپ قولتوغونا چاپاندا
سوزی الله بیر بکار وقت تاپاندا
منی ده بیر خاطروزه گتیرون		منه طرف بیرجه سلام یتیرون
تندیروزدن ایشلی فتیر چخیدی
یییدیم بیر اورگیمی سخیدی
او باغیشن الله اوین یخیدی
وصل اوینی اوزاخ سالیپ بیزلره		الله بیلیر نیلیجک سیزلره
تندیروزده ایشلی فتیر یاپلدی
قوناخ گلی حتماً خمیر آتلدی
یاخچی گونوم آز باهایا ساتلدی
سوزده منّن یادایلیون اواختی		ایلدوز کیمین پارلاردی تز آختی
تندیروزده کابابلاری ساچاندا
تندیر آغزین چاپایچون آچاندا
توی یرینه اوشاقلاروز قاچاندا
گوش توکولوپ تندیرستان دولیدی		صداقتده کاشکی اوردا اولیدی
تندیروزده پیشسین دنک تزه دن
داماغیمدا قالیپدی او مزه دن
تا سو ایچم قیرخ بلاغدا گوزدن
لازم اولوپ بیر قایدام وطنه		تا قایدا چخمش روحم بدنه
تندیروزده سوتلی قورقا قورولا
اوقدر ییم انگیم آخر یورولا
او فلکین کول باشینا سورولا
تندیرینده اوتین ویروپ کچردی		ایریلیقین جامین بیزه ایچیردی
تندیر اوسته چایدانلاروز قایناسین
توی ایلیون فامیلروز اویناسین
دشمن گوروپ جوت گوزلری کور اولسون		اورکلروز محبتین پر اولسون
اوجا توتون گلین لرین آیناسین
تندیر اوسته ایشلی فتیر ییردیک
شیرین شیرین، دانشاردیخ دیردیک
گوزل گوزل ایل لباسی گیردیک
قزلار ایندی دامن بلوز کت گیور		دامنیده چوخ گوربپدی، شوت گیور
کندیمیزده قزل اوزن کناری
یایی، قشی، پاییزینان بهاری
اپارالار اورایلده، داواری
چوبان قارداش گچه گوندوز اوتارار		اریخ گویون اولمگیندن، گوتارا
بیر کیدیدیم قزل اوزن دوزیندن
سو ایچیدیم چشمه سینن گوریندن
عبرت آلون بو شاعرین سوزیندن
اوندا گزن بالیخلارا باخیدیم		اولدوز کیمی بیر تزدن اخیدیم
قیزل اوزن چایندان بیر گچیدیم
گوزسیندن چای دملیپ ایچیدیم
اورگیمین آغ توکلرین بچیدیم
قوم اوستونه کورکیمی سریدیم		دردلریمی اورگیمدن دریدیم
سودان چخان چای قومونی قوجاخلار
داوار گلر دولی اولا بوجاقلار
اوت قالانلار گورولالار اوجاخلار
آخ یاپشار پنیر چورک یمگی		یولداشلارین گولشمگی دمگی
چات خلوری بیر تزدن آپاریم
داوارلاری داغدا داشدا اوتاریم
بیروز گالیپ قوی اونی دا قوتاریم
دوغرامانی دوغرا گلک یمگه		گپ ورماغا، اوردان بردان دمگه
دسته بویی گوتورردیک بیچردیک
غلیظ بیچیپ تز قاباغا گیچردیک
سینگین او  سرین سوون ایچردیک
هویول گنه ور باشینا قاچاردیخ		سیچان کیمی ورده یووا آچاردیخ
تزل هامی بیر بیچینی گوتاریپ
تمام اونین یریوردوندا اوتاریپ
دولدوروپدی آمارینا آرپاریپ
بیزیم هله یازدرسی دوریری		چوخ یکه دی بیچینچی نی یوریری
سو گتیردیم قاغام ددی ایچمرم
ددیم قاغا توری یری بیچمرم
هی باخیردی گوره هله گیچمرم
دییردی بیچ سنبلیدی توری دوی		منده دیدیم آخی بیلی قورودی
توری یری بیجمک بیزی یوریدی
بچارا بل توری یرده قوریدی
یورولدیم قلبیم بتر وریدی
من قایدیپ چای قویاردیم ایچردیک		صبحاندن سورا دوروپ بیچردیک
قاپلانتینین چشمه سینین گوزلری
کوتوکلونون چوکّورلاری دوزلری
چایدان آتدا اوجاخداکی کوزلری
اوردا چوخلی بل آغریسی توتمشام		ککیرنین آجی توزون اوتمشام
خرمن واقتی خرمن کوبی گتیردیک
کولشلری خرمن کوبا اوتوردیک
بلاخره دورت بیش خلور گوتوردیک
برکتدی چورک ایله بوغدادی		کاسبلارین چورکلری یاغدادی
بیچین چی لر ایندی هارا یولّانوپ
شهر اوینین هاراسینا الانوپ
مایش گیچمیر قولاخلاری سالانوپ
ایله بیلیر شهره گیتمک مفتدی		شهریدکی یاشیانار کفتدی
دادین بیلیپ قایدیری بیچینه
ایندی ایستی شهریلردن سچینه
کاسب ایله گنده گرک گچینه
شهره گیدیپ اینجیتمه سن اوزوی		الله ورن چورک تیک گوزوی
قیش گونلری اوتورماغا گیتمه لر
محبتلن گونشی نی یاد ایتمه لر
بویوکلری بعضیدن اینجیتمه لر
اوشاخلیقین آیری صفا واردی		او صفادا بیزلرینن قاردی
قونشلارنان یغشاردیخ بیر یره
آش پیشیریپ پایلیاردیخ اولره
یولیاردخ بیر سارمساخ دره
یغشاردیخ بیر اطاقا ایچردیک		جنجرینن آیرلیقی بیچردیک
قورود آشی جامدا ایچمک قیش گجه
دادی اولماز اونی تکین هیش گجه
آتمیشما دیر او دورت بیش گجه
گنه گلون بیر طرفه یغشاخ		قدیمکی تک خیردا یره یغشاخ
گونومیزی بی عار بی غم سواردیخ
اون گونن بیر اوزوموزی یوواردیخ
پسپسانی ساپ  باخلیوپ قوواردیخ
هارا گیتدون شاد گولومین شادیغی		تحفه قویدون قالدی منه یادیغی
اوت قالاردیخ توستسو گویه گوزانا
هی گیدردی توستو اویان بویانا
اوخویاردیخ چوبان گیتید اویانا
آی نه گوزل گوشمالاری اوخوردیخ		آنا دیلی بیربیرینه توخوردیخ
یازگونلری میلچک گویه دوزولر
شاپاخ دیر یاش گوزلردن سوزولر
آجخلاما دوداخلارون بوزولر
بیش گون عمرون قوی خوشلیقا گوتارسن		چوبان فلک قوی بیزلری اوتارسن
یاز گونلری قاپلانتی گوی اولار
یاغیش یاغار آق دَرَدَه سو دولار
اوجالاردا تکه تکه قار قالار
گتیرلر دوشاب قاتیپ ییلر		مردم اونا لذتی قار دیلر
صبح اولجاغین خروس نینده باناردی
ایله بیلکی یاتاناری داناردی
صبح اولماقی هامی اوننان آناردی
ایندی هامی یاتیپ قالیپ یوخویا		بیرده مگر خروس دوروپ اخویا
بستان واقتی خرچا تاغدا سارالار
قوون یین یولدا شیچن پارالار
دوشان گلیپ خرچالاری یارالار
تارال گورار دووز اورا کلمسین		جیغ جیغالار خرچالاری دلمسین
دووز گلیپ بستان ایچره گزردی
خرچالارین یاخچی لارین ازردی
دیردیلر فلانکس بد نظردی
نظر وردی بستانمیز قورودی		تاغ اوستونده خرچالاری چورودی
آغاج دلن قانادلارین چالاندا
کورلتمه گیردکاندا قالاندا
گوشاگوشا گیردگاننان سالاندا
منیچینده گیردکاندان چالارسوز		منی ده بیر اوردا یادا سالارسوز
بونان قاباخ بایر دولی سوریدی
بایرلاری اوغلاخ قوزی بوریدی
چوبانلارین ایتی اوردا هوریدی
ایندی هانی اوغلاخ قوزی سوریسی		قدیمکی اوخوش گونلری بیریسی
ایندی اودون نفتی پوچی گتیردیک
عوضینده ایستی کورسی ایتردیک
اوزومیزی نه پیس گونه یتیردیک
آخی بودا روزگاردی زاماندی		یوخسول گونی یاماندان دا یاماندی
دابانلی او تاختا گاپوز اولیدی
دولابلاروز قورابینان دولیدی
تمدنین گلرنگ اوزی سولیدی
بیزی بتر یامان گونه سالیپدی		پنجه سینده بشر اسیر قالیپدی
یاز گونلری خرمنلرین گویلیگی
دامجی دامیپ توکانلارین اویلیگی
باخچالارین گیلاسلیغی مویلیگی
اوگونلرین صفاسی تک صفا یوخ		ایندیکی هیچ آداملاردا وفا یوخ
بایراملقا مژملری برزدیک
بایرام گونی قونشولاری گزردیک
کهنه ایلین بوینون بوکوب ارزدیک
نه بیرگوزل رسمیدی او ایتیردیک		عوضینه پیس پیس رسوم گتیردیک
الان ولی مژملرین یرینه
شونقروالار بزلّر بیربیرینه
ایچلرینده بیرده مگر گورینه
محبتلن دانشیلار گولیلر		بیربیرینی سرسوزین بیلیلر
گورینردی مگر بیری اج یاتا
چورگیچین یاکی ایمانین ساتا
یامان گونده دوستلیق ورا دوست آتا
ایندی بله دنیا اوزی قارشوب		ایماننان شیطان بتر بارشوب
فاطما خالا اوزاداردی ایشینین
دیشی قورتلی قورتلیاردی دیشینین
ساخلا الله مشه بابا کشینی
باغا گیدیپ اوخویاردی دعالار		اوشاقلاری باغچالاردان قووالار
اشرفینین باتگچ چکن دوداقی
قدیم اوین قاراسورمونج اوتاقی
خیرآتینین آلتی سوری یاتاقی
دای او قدیم سحر و صفا گدیپدی		پیش گون الان اورگلری دیپدی
ملیحه نین توکاندا شی ساتماسی
مش طالبین پوری ایچره یاتماسی
آرواتلارین ایشلرین چاتماسی
ایندی اولار هاملاری چوریوپ		قالسا اوستون شیطان توری بوریوپ
آقعلی دی قیش قیریدی داوارا
قورت داراشیپ من قالمیشام آورا
آزقالمشدی قورت اوزومی آپارا
آماندی بس یاتما غافل دنیادا		چوبان کیمی قورت سنی ده آلادا
میرزا حسین چمده ساقز توتماقی
ممرضانین بیزلری قورخوتماقی
اوشاخلارین اوتوزماقی اوتماقی
خاطره لر یاددان مگر چخالّار		خاطرلاسام اورگیمی سخالار
زیرعلینین گیردکانین چالالار
چالامازدار گوشاگوشا قالالار
سورا گدیپ اوشاخ موشاخ سالالار
قویو قازیب قویو ایچر قویالار		خردالارین مولالیقا سویالار
میرزابابا گیردکانین چالمیوب
عوضینده هیچ بیردنه قالمیوب
کیمدی اوننان بیر گیردکان چالمیوب
میرزابابا گیدر چالارگیردکان		گورر انی گیردگانیندان شابان
میرزابانین خلف باغی باخچاسی
قدیم اوین یکه رفی طاقچاسی
گوجالارین شیرین سالام الماسی
نه او گودّوک نه طاقچاسین نه رفین		او صاحابدا الدن وریپ شرفین
آبدلانین سوری سوری داواری
سوریسی چین چوبانلاری چوداری
احسانیندا ایکی گوزل آت واری
ایندی اونین داواری یوخ مالی یوخ		احسانیندا آت مینمگه حالی یوخ
مشه اورج ویجه سیگار چکردی
مولکلی ده کهلیک کیمین سکردی
صیفی دایی بولاغ اوستون اکردی
خوش گونلری عجب الدن ویرمشیک		یامانداندا یامان گونه گیرمیشیک
مش مولکلی صبلر دروپ چغرار
ایلان وران آدام کیمین پترار
قاری توکر دامنان اورا سپارار
کاشکی اونین بیز قدرنین بیلیدیک		صبلر گنه سوزلرینه گولیدیک
مشد حیطین قوجا یاشیت تایلاری
علی رحمین قورخچلیق هایلاری
علودینین او چیخاردقی پایلاری		مهرعلی نین دورت گون قالمیش چایلاری
مش زیگامین یالانی دامی ساقلمی
یوز یوز وران تفنگی دامی آتلمی
یالانلاری یالانلارا قاتلمی
سومّه اتسا اون گهلیگی ساخلیار		کوملرده اوز سوروسین یوخلیار
مش زیگامین فیروز کیمین دوستی وار
بیری دیر بیری اونی امضالار
اولار دین افسانه دن هارداوار
بیرگون اوتور یالانلارین دانشسین		بله دیسین قورت قویونا قارشسین
امراهین قواشناس مغزی وار
دییر گنه ایلیمزده واردی قار
دیر ایله شانسا ورار دوز چخار
ایندی هامی ایمان تاپوپ سوزونه		اودا الان چوخ ناز ایلر اوزونه
حسنین او باها ساتماغی
مش زیگامین پستان تفنگ آتماغی
سیاوشین ارا وریپ قاتماغی
مشهور دلار منامینده بوکسلر		گویلوم گنه او گونلری هوسلر
اورگوزون خندان گلی سولماسین
خاطروزه یامان سوزلر دولماسین
اورکلروز هیچ نگران اولماسین
بیر بیروزه دایاخ اولون آماندی		فلک سالان درد انسانا یاماندی

دلم باز امشب از بوی تو می گفت

زگلهای لب جوی تو می گفت

خیالت آنچنان مهمان دل بود

که گویی روی در روی تو می گفت

گمانم سر به صحرا می گذارم

صبا کاین گونه از موی تو میگفت

دل لیلا به عشق قیس خوش بود

ولی مجنون ز گیسوی تو می گفت

دلم شبها بخواند مرا تا

چو طفلم قصه گوی تو می گفت

پس از ضری که از مشت تو خورده

چه بشنو که که آهوی تو می گفت

صداقت را ندادی مهلتی بیش

چرا کز راز ابروی تو می گفت

------------------------------------------------------------------------------------------------------------------------------------